Nytjamarkaður

Notuð húsgögn og húsbúnaður eru til sölu á nytjamarkaðnum. Húsgögnin eru gefin af einstaklingum og fyrirtækjum á Akureyrarsvæðinu. Boðið er upp á að sækja hluti sem fólk vill gefa. Einnig er hægt að fá heimsendingu á hlutum sem eru keyptir á markaðnum fyrir 2.000 kr innan Akureyrar. Nytjamarkaðurinn er opin alla virka daga frá 10:00-16:00 nema á fimmtudögum 10:00-17:00

Umsjónarmaður nytjamarkaðar er Erlingur Kristjánsson
erlingur@fjolsmidjan.com
Sími: 414-9380(velja 1) eða gsm: 690-1078

Bílaþvottur

Starfsfólk í bílaþvotti sér um þvott, bón og alhliða þrif á bifreiðum. Allir bílar eru handþvegnir. Viðskiptavinir deildarinnar eru einstaklingar og fyrirtæki.

Umsjónarmaður bílaþvottar
bilathvottur@fjolsmidjan.com
Sími: 414-9380(velja 2) eða GSM: 698-9380

Mötuneyti

Starfsfólk Fjölsmiðjunnar sinnir öllum störfum sem tilheyra mötuneytinu.  Starfsmenn Fjölsmiðjunnar borða þar morgunverð og hádegisverð auk þess sem aðrir geta fengið keyptan mat alla virka daga í hádeginu. Verð máltíðar er 2.000 kr. en einnig er hægt að fá 10 miða kort sem kostar 18.000 kr. Mötuneyti er opið 11:30-13:00 Panta þarf með dags fyrirvara.

Matreiðslumaður er Steinar Sæmundsson
eldhus@fjolsmidjan.com
Steinar sími 696-9380 eða 414-9380 (velja 3)

Rafeindarverkstæði

Hlutverk verkstæðisins eru viðgerðir á öllum rafeindartækjum, s.s. símum og tölvum, með áherslu á Apple. Einnig að gera við smærri raftæki. Allar tölvur á Akureyrarsvæðinu berast til okkar til endurvinnslu frá Gámaþjónustunni.

Rafeindarvirki er Erlendur Pálmason.
rafeind@rafeind.net
Sími: 414-9380 og 823-9381

Önnur Störf

Nemar Fjölsmiðjunnar á Akureyri sinni ýmsum störfum gegn vægu gjaldi s.s. broti á pappaöskjum, flutningum á hlutum milli staða, auk þess sem fleira kemur til greina.

Umsjón hefur forstöðumaður Erlingur Kristjánsson
Sími: 414-9380

Starfsmenn

Hvað er Fjölsmiðjan

Fjölsmiðjan er vinnusetur fyrir ungt fólk, 16-24 ára, sem stendur á krossgötum í lífinu. Hér gefst fólki tækifæri til að þjálfa sig fyrir almennan vinnumarkað eða áframhaldandi nám.

Vinnutíminn er 8:30-15:00 og fyrir vinnuna er greiddur verkþjálfunar- og námsstyrkur. Við borðum saman morgunmat og hádegismat og reynum að hafa vinnustaðinn fjölbreyttan og skemmtilegan.

Daglega starfa um 20 ungmenni og 4 leiðbeinendur í Fjölsmiðjunni við ýmis verkefni og sífellt er verið að leita nýrra leiða til að auka fjölbreytni í þeim störfum sem hægt er að fást við.

Saga

Fjölsmiðjan á Akureyri var stofnuð 9. júlí 2007 og hófst starfsemi við endurbætur á húsnæði við Óseyri 1a í september sama ár. 8. mars 2008 var svo húsnæðið formlega opnað eftir endurbætur. Vorið 2014 flutti Fjölsmiðjan í stærra og huggulegra húsnæði við Furuvelli 13.

Stofnaðilar Fjölsmiðjunnar eru Rauði krossinn, Akureyrarbær, Vinnumálastofnun, Eining-Iðja og FVSA.

Árlega koma Akureyrarbær,Vinnumálastofnun og Menntamálaráðuneytið að rekstrinum með fjárframlögum.

Stjórn Fjölsmiðjunnar er skipuð fulltrúum frá ofantöldum aðilum.

Formaður stjórnar er nú Harpa Jörundsdóttir f.h. Mennta og Menningarmálaráðuneytis.

Áður hafa verið formenn:

Úlfar Hauksson f.h.RKÍ (2007-2009)

Sigrún Stefánsdóttir f.h.Akureyrarbæjar (2009-2011)

Arna Jakobína Björnsdóttir f.h.Vinnumálastofnunar(2011-2013)

Hafsteinn Jakobsson f.h. Rauða krossins á Akureyri (2013-2016)

Ásgrímur Örn Hallgrímsson (2016-2018)

Friðbjörg Sigurjónssdóttir f.h. Akureyrarbæjar (2018-2020)

Karen Malmquist f.h. Eyjafjarðardeild RKÍ (2020-2022)

Fyrirmynd Fjölsmiðjunnar á Akureyri er sótt til Kópavogs þar sem Fjölsmiðjan hefur verið starfrækt síðan 2001 með frábærum árangri. Fyrirmynd hennar er hins vegar frá Danmörku, en þar hafa "Produktionsskoler" verið reknir árum saman. Þar eru nú um 100 skólar starfandi og höfum við verið í sambandi við nokkra þeirra.

Markmið

Fjölsmiðjan leitast við að bjóða fjölbreytni í vinnu og námi sem auðveldar nemum að taka ákvörðun um framtíð sína að lokinni starfsþjálfun í Fjölsmiðjunni.

Fjölsmiðjan leitast við að vera í góðum tengslum við vinnumarkaðinn og félagsleg úrræði og vera sýnilegur valkostur þegar velja þarf leiðir í lífinu fyrir ungt fólk á Akureyri og í nágrenni.

Fjölsmiðjan leggur áherslu á að þeir nemar sem hafa verið við störf í Fjölsmiðjunni fari þaðan sem sterkari einstaklingar, félagslega, námslega og hæfari á vinnumarkað.

Fjölsmiðjan mætir nemum á þeirra forsendum og leitast við að uppfylla þarfir og óskir þeirra eins og þau upplifa starfið.

Nemar sem fara í skóla eða vinnu á almennum markaði geta leitað áfram til starfsmanna Fjölsmiðjunnar, hvort sem leitað er eftir námsaðstoð eða góðum ráðum vegna vinnu.

Stjórn

Stjórn Fjölsmiðjunnar á Akureyri skipa nú:

• Arnar Þór Jóhannesson f.h.Akureyrarbæjar
• Gunnar Már Gunnarsson f.h. S.S.N.E.
• Eydís Bjarnadóttir f.h. F.V.S.A.
• Harpa Jörundsdóttir formaður f.h. Mennta og Menningarmálaráðuneytis
• Ellen Sæmundsdóttir f.h. Vinnumálastofnunar

Skjöl

Ýmis skjöl

Stefna og viðbragðsáætlun

Áætlun um öryggi og heilbrigði Fjölsmiðjan